屏東市老店

 泡綿攄仔ê露絲仔生鉎漚去，泡綿落落來，擲hat捔會加製造污染，想講閣會使用，想欲閣拖長伊ê命看會使儘量較慢變糞埽無。

來去夜市仔口五金行揣，較早夜市仔口規條仁愛路攏違章，規排攏是teh賣五金、機械類。

這間足久無來--ah，hóo﹏足驚人，物件囤kah規間像回收場，完全無法度看著塗跤，毋koh頭家有影厲害，共講了，斡頭入去phián一下仔，挈2種長度--ê出來予我揀。

吉隆五金

【屏東點心】

新庄仔媽祖廟口豆花（新圍慈天宮）

這擔豆花特別ê所在是怹ê糖毋是糖膏，是碎冰，熱人來食上蓋讚，koh有摻綠豆仔、紅豆仔，食起來袂傷甜，毋閣我khah愛食足甜--ê -ah -ah -ah。

這間新庄仔媽祖廟，足久足久以前，可能一、二十年前，我有夢著，袂記是坐啥mi̍h人ê車，阮已經過身去ê阿公坐我倒手爿，車拄好停廟前，我斡頭過去就看著這間媽祖廟，應該是暗時仔，因為我會記得廟五花十色ê燈仔火，hit時我才知影我ê夢是彩色--ê，聽講會做彩色夢ê人頭殼較巧。

【屏東人ê早頓】

屏東涼麵攏是甜--ê，而且是當做早頓teh食。有摻糖粉kah塗豆麩，大部分有瓜仔薟，有ê較工夫--ê閣有豆菜。

mih-sooh湯是sa-bì-suh --ê，會記得第一碗愛食原味--ê，這間有芳芫荽，愛食偌濟家已khat。

麵ê搵料愛留下毋好討債㧒捔，共濫落去第二碗湯內底，就會使食著完全無仝款ê滋味。

【屏東ê記智】

佇屏東公園軟式THIAN-NÍ-SUH KHÒO-TOOH 佮攄冰場（這馬改做停車場）ê中央，這馬是老人會歌唱俱樂部，50幾年前有一个像排球場ê表演場，差不多是圓形个，有觀眾看台，毋過無厝頂。一年會有一、兩擺日本來个SA-KÀ-SUH(馬戲團)來遮表演，彼个時陣就會有宣傳車teh四界放送：“SA-KÀ-SUH來矣、SA-KÀ-SUH來矣”
彼陣囡仔想欲看無錢通thiah票，就會去掠貓仔來換票，阿he貓仔是欲予虎食--ê.

屏東焦麵地圖

屏東干焦有焦麵、無麻醬麵！
佇屏東个麵攤(店)叫焦麵，內底一定有麻醬，有个人驚大箍無愛麻醬愛先共頭家講，若無講一定會有麻醬，有个頭家會先問敢欲麻醬。整理一寡我捌食過袂䆀个麵店，重點是焦麵順紲涼麵，因為我驚燒，袂愛食湯--个，食麵嘛袂愛配菜。
1.伍媽媽麵店：佇海豐海國校對面，焦麵有夠大碗，靠體力做工課个人上愛這
2.王家涼麵：大35、細30，在地人當做早頓，賣到下晡一點爾，頭家蓋阿灑哩麻醬𣁳足済，mí-sooh湯啉免驚
3.易奎擔擔麵：佇屏東都城隍廟對面，肉臊誠特別，麻醬誠芳，麵个份量袂少

五十箍

阿英仔是瑞祥里的里長娘--仔，咧開葬儀社，嘛有兼做土公仔，欲入去火葬場彼條路規排販厝攏伊買去。阿英仔做人A-SÁ-LIH大細漢通人知，毋過伊上蓋驚怹翁，定定予怹翁揍（bok），朋友苦勸伊離開怹翁，毋過代誌過了後嘛是乖乖仔轉去。這兩年仔阿英仔過身去，逐家煞攏替伊歡喜，講伊解脫矣。

阿英仔的好胆嘛有影出名。屏東若有彼種車禍挵kah碎糊糊的，攏會央阿英仔來處理。阿英仔連手橐仔嘛無掛，一塊一塊共抾入去烏色的KA-LÁ-SUH橐仔內底，自頭到尾目頭攏無結一下，喙裡閣踅踅唸毋知咧唸啥？有可能是共亡者超渡。了後共槖仔提予警方，規陣佇邊仔好玄的"觀眾"攏看kah惦tsu-tsu，連吞喙涎的聲攏有聽見，袂輸咧看一場練習過幾千改的表演，手路幼秀完全無躊躇、無拖沙。

一工，阿英仔tshuā怹囝來我的跤踏車店裡。

「蘇董仔！」阿英仔一入來就共我A̋I-SÁ-TSUH，閣喊(hiàm)怹囝。「志仔，愛佗一台家己去揀。」

「遐坐啦！」我嘛共"案內"(ÀN-NĀI)。「啉茶！」

過一下仔，怹囝走倚來，「阿母！我欲彼台。」

「好！阿偌濟錢？」阿英仔問。

「千五，算妳一千三仔五就好，我下晡才共妳載過去啦！」

阿英仔對槖袋仔撏錢出來：「遮千三，賰仔五十箍你下晡來才閣予你，歹勢！」閣提一張紙寫怹兜的住所。

看著彼張紙頂懸的住所，我的心肝頭tshia̍k一下，阿這干若是彼號...

下晡睏醒，佮阮囝兩个人，載彼台跤踏車，揣對紙條仔頂的住所去。過歸來無偌久就差不多到矣，車停路邊，共車仔拎落來。看著阮囝愣佇遐、喙開開無講半句話，順伊的視線看過去，俺娘喂~對跤尾一直冷到頭殻頂，佇牆圍仔邊的塗跤，tshu一塊大塊帆布，頂懸排烏烏一仙一仙的"彼種的"，袂輸佇曝魚仔乾，上蓋無有二十具。車仔囥落去，共阮囝搝上車，油門催盡磅，路裡，毋知敢是神經感覺，車頂猶少寡鼻去"彼種的"的味。

201407寫佇屏東，朱志煒

2009 A-kao Treasure Hunt阿猴單車尋寶

活動終於還算完滿的結束了，可以放輕鬆一點了。
禮拜早起，屏東"中山"公園內，Bang！一聲，不對啊，人都還沒到齊，是誰鳴槍的，我是主辦單位，要鳴槍也是我來啊，後來有人找到來源了，原來是志明的後輪爆了，內外一起爆，第一次親目看到這種事，還好阿堯把他的胎給志明，讓他可以參加。
繞圈定桿賽就很精彩了，還以為最厲害的勁桑會成為目標，可能是他德高望重，不好意思下手，最後剩芫彰和勁桑對決，兩人的車卡在一起，但勁桑的腳較慢觸地所以第一。
抽完牌，本來打算的玩法是把前後輪拆了放在車子旁，結果幾個"搞怪"的想玩大一點，把所有人的輪子集中疊起來，甚至有些人的還被夾在中間，這時有些"高級" 輪組的車主臉色不是太好看。先在外圍步行繞圈，9：30：00準時開跑，一陣搶輪子大戰開打，還有人的輪子滾~滾~滾到場外去了。
研究藏寶圖時有各種不同的表情，不小心把"箋王"的事讓勁桑知道了(一大敗筆)，不知道是不是這樣造成他心理壓力而沒有完賽，總之覺得心理有點過意不去
大家研究了一下地圖做鳥獸散，過了快廿分鐘，晃華還在弄GPS，覺得科技先進會讓人太過依賴。
一行人讓來觀戰的士官長在"阿秀麵攤"請吃午餐，也謝謝他對這次活動的"寄付"。
和振德、阿謚到終點站休息、開講，才快一點鐘，阿桂回來了！厚！太厲害了，才想起還沒去買飲料，請振德在現場坐陣趕快去準備。很少在屏東市內駛車，覺得很難過，還是騎單車自由多了也快活許多。
選手陸續回來，登記時間，收考卷，再一個一個問問答題，不過有幾個沒完成，還是給他們thumb up！
選手門喝著可樂和米露，主辦單位忙算成績，好不熱鬧的"蓮霧欉廣場"(這個其實是我自己取的)，終於名次出來，阿桂又是冠軍，是不是來提個"老賊退場條款"，讓中鳥和菜鳥也有機會咧？開玩笑的啦！
不過有個小遺憾，就是志明沒回來參加閉幕。冠軍決定請大家吃吃喝喝，讚！
還有差十二秒居第二的歐陽是下屇的主辦，期待中。
"濟歲人"還可以這樣玩，或者說，還可以玩成這樣，也是一種幸福！
再來會把資料整理起來，希望可以留下些什麼，或許有一點參考價值。