01Mar2008媽祖崇Bike

媽祖崇拜
細漢的時佇媒體（大部份是電視）頂懸看著的西螺大橋樑是“東亞第一長橋”，一tsua一tsua大紅色的虹，深深刻佇我的腦海中。
開始接觸跤踏車了後，就想講“有一工一定愛用我的雙跤踏過這座橋”。
坐欲十一點的直接到大甲的火車。“莒光”號頂無路囥車，只好擠佇上尾仔彼排的後壁。兩個“tsoo人”，開門入來，門khe著車的後變，明明就會當過ko一直thu，看！大箍呆，若歹去叫妳賠。
未三點就到大甲，佇大廳ka車湊好，外口稍寡一下，暗bong bong，想講轉去佇椅仔頂睏，倒落去一下仔，虎！阿娘喂！有夠寒！無法度睏，腹肚枵枵，來去7-11食泡麵，食了ko佮店員開講，ko tng大甲的微笑印仔。
ko去揣外埔的7-11，因為慣勢南部平原的生活環境，對這種有崎度的街仔路感覺怪怪。u矰j安騎轉來，天已經pha phu光啊，佇路邊食早頓，燒餅配豆奶。
騎去有名的鎮瀾宮，才天光已經有足濟善男信女佇這參拜，我ma khe一付金香，添一寡油香，順序參拜。了後ko求兩e仔香火袋仔。廟外口已經有一寡工作人員te無盈，等一下tsia是世界紀錄的檢查站。
時間猶早，佇街仔路seh seh咧。足愛這種沿海地區有厚厚台灣味的鄉鎮，會使揣時間來這過暝騎車仔。
會場的對面是M，叫一杯飲料，拄仔想欲趴落去睏一下，一le台北來的車友過來揣我開講，問我一寡路線的問題，但是中部我無熟，無法度ka伊解答。
報到的時間欲到啊，會場附近已經是滿滿的人。
一寡頭人講話，ko有教練tshua體操了後，四千外人的車隊就欲起行，因為人濟干旦會使寬寬向出口行。
差不多歸e大甲鎮攏交通管制，全部攏是跤踏車，這種感覺有夠讚！
經過大廟前，大家攏足謹慎，因為世界紀錄有真嚴格的規定。
出大甲大家攏開始衝，但是我ko有較重要的任務，所以有時愛離開主要路線，經過附近的鄉鎮tng印仔。
佇彰化休睏，大家佇檢查站tng一le印仔，攏總愛有三e，了後才會使領証書。佇路邊食一份快餐，人客大部分攏是騎車的。高速公路交流道附近te施工，空氣有夠禾黑的。
到彰化縣佮雲林縣的kap界，心情漸漸"high"起來，越過一le彎，一片紅出現場佇遠遠的彼。佇橋頭拜託別le車友幫我攝相。
雖然今ma佇台灣有真濟橋的規模已經超過西螺大橋，m過它的“東亞第一長橋”的地位是無法度改變的。欲入去西螺有一條外環道，所以大橋較無人行，參加活動的車友是上大群的。佮對面的車友et手，風吹過我的面，佮跤腳車鏈仔行過變速器的聲多年來的願望佇今ma達成，有夠感動的，這款感動毋是坐佇車內會使感覺著的。