【屏東點心】

新庄仔媽祖廟口豆花（新圍慈天宮）

這擔豆花特別ê所在是怹ê糖毋是糖膏，是碎冰，熱人來食上蓋讚，koh有摻綠豆仔、紅豆仔，食起來袂傷甜，毋閣我khah愛食足甜--ê -ah -ah -ah。

這間新庄仔媽祖廟，足久足久以前，可能一、二十年前，我有夢著，袂記是坐啥mi̍h人ê車，阮已經過身去ê阿公坐我倒手爿，車拄好停廟前，我斡頭過去就看著這間媽祖廟，應該是暗時仔，因為我會記得廟五花十色ê燈仔火，hit時我才知影我ê夢是彩色--ê，聽講會做彩色夢ê人頭殼較巧。